序

我係土生土長既八十後，見證住香港bull shit地回歸大陸，睇住香港變得越來越陌生，呢度衣家對於我黎講只係一個適合搵錢既地方，生活？No way！香港一切既改變都成了我立下決心要離開既動力，簡單講就係，留系度多一日，就越
想逃，逃離這個變左質既香港。

大專選科嗰陣，因為當年既証府話我既行業未來會大力發展，我天真地信左，將我人生既黄金十年擺左落去。畢業入行至今已over十年，力爭上游地爬到行業內一個較舒適的位置，雖不算高薪厚職，份工總算穩定(暫時)，但我真係睇吾到將來，呢一行根本就在式微，我同期畢業既同學，九成已轉行。呢個當年嗰位特首大力hard sell既行業，只係十幾年就玩完，DLLM......

對於大部份香港人黎講，搵錢比一切都重要，為追求自己最理想既生活，工作就係一切，也有人把目標放在置業上，甘願被磚頭捆綁自己，有孩子的，要為下一代著想無可厚非；有家庭付擔的，也是身不由己。但其他人有否想過自己既夢想跟理想呢；有否想過自己的人生過得很悶，想按一個STOP制，重新計劃自己既未來；有否想過當自己的人生像影印機一樣活到退休，回想自己年輕時錯過了一些事没有做而後悔呢，我不會在自己最能經得起考驗的年紀選擇安逸‬。

人生是馬拉松？

“人生絕不是一場馬拉松！
因為路不只一條，終點不只一個。
偏離正軌吧！繞點路也沒差。”



我鍾意泰國，近呢幾年每年都去三四次，Total差不多有廿次，Passport內全是蚯蚓文的蓋章。如果可以既話，我退休後想在泰國生活，但其實一D都吾容易。近期我常在網上爬文，找一些定居泰國的資料，甚麼資格，要準備甚麼，辦甚麼手續等，越睇就越覺得困難，要達成目標，信心不大，但正如我之前所講，望住呢個咁既香港，每天都有新既動力push我向呢個目標奮鬪。我今年32歲，今天開始訂下短，中，長期計劃，無人會知自己既路可以行到幾遠，但今天我踏出第一步，總算對自己既人生有點交代。

有些事現在不做一輩子都不會做了

“如果人類的臉 長得全都相同
那麼你和人們的不同 就看你怎麼活”
“每個平凡的自我 都曾幻想過
然而大多的自我 都緊抓著 某個理由 ”
“每個渺小的理由 都困住自由
有些事情還不做 你的理由 會是什麼?”



在我決定往曼谷Long Stay後，我開了呢個blog，主要係想記低由計劃到實行的每個細節，給自己一個文字記錄之餘，亦希望給其他有意跟我一起走這條路的人一些參考資料。之前提過我作這決定的原因是因為想逃離香港一段時間，希望能清晰地思考和計劃自己的將來，而來泰國既目的係要認識泰國，我把標題設為“Hongkonger learn Thai in BKK”，其意思並不只是學泰語，學泰語只是我認識泰國的一個方法與過程，因為只有通過語言才能直接了解，通過生活才能切實體驗。